Тадбирлар

Жорий йилнинг 29 декабрь куни Ҳисор Марказий геология қидирув экспедициясида кириб келаётган яни йил муносабати билан тадбир ташкил этилди. Тадбирда йил якуни сарҳисоб қилиниб, эришилган натижалар ва йўл қўйилган камчиликлар таҳлил қилинди. 2023 йилда соҳада фаол меҳнат қилган ходимлар фаолияти эътироф этилди. Ҳисор МГҚE раҳбари E.Rayimqulov барча ходимларни кириб келаётган 2024 йил билан табриклаб, янги йилда экспедиция олдидаги устувор вазифалар ҳақида фикр билдирди.                

Жорий йилнинг 29 декабрь куни Самарқанд Марказий геологий қидирув экспедицияси ва унинг таркибидаги дала экспедицияларида кириб келаётган янги йил муносабати билан маънавий-маърифий байрам тадбирлари бўлиб ўтди. Тадбирда Самарқанд МГҚE раҳбарияти байрам билан меҳнат жамоасини табриклаб, йил давомида фаол меҳнати билан геология соҳасининг ривожига ҳисса қўшган бир гуруҳ ходимларни эътироф этишди. Шунингдек, бир неча нафар ходимларни нафақага кузатишди. Байрам муносабати билан Самарқанд шаҳар 22-сонли болалар мусиқа ва санъат мактаби ўқувчилари ўзларининг қўшиқ рақслари билан тадбирга байрамона кайфият улашишди.      

“Ўзбек геология қидирув” АЖ да 21 октябр – Ўзбек тилига давлат тили мақоми берилган кунига бағишланган маънавий-маърифий тадбир бўлиб ўтди. Тадбирда бугунги кунда она тилимизнинг жамиятдаги ўрни ва нуфузини ошириш бўйича кенг кўламли ишлар амалга оширилаётганлиги таъкидланди.

"Ўзбек геология қидирув" АЖ ходимлари, юртимизда ички туризмни ривожлантириш, тарихий-маданий обидаларни зиёрат қилиш мақсадида Бухоро вилоятига саёҳат қилишди.Саёҳатчилар бутун дунё мусулмонлари учун табаррук масканлар ҳисобланмиш Етти пир — Абдухолиқ Ғиждувоний, Муҳаммад Ориф Ревгарий, Маҳмуд Анжир Фағнавий, Хожа Али Ромитаний, Муҳаммад Бобойи Самосий, Саййид Амир Кулол, Баҳоуддин Нақшбанд меъморий мажмуалари ва бир неча минг йиллик тарихга эга бўлган меъморий обидалар билан бир қаторда, “Лаби Ҳовуз”, “Минораи Калон”, “Бухоро зиндони” каби кўплаб тарихий қадамжоларни зиёрат қилишди.

"Ўзбек геология қидирув" АЖ Зарафшон дала геология қидирув экспедициясида таниқли давлат  ва жамоат арбоби, геолог олим, геология-минералогия фанлари доктори, Ўзбекистон Фанлар Академиясининг академиги, Абу-Райхон Беруний  номидаги Ўзбекистон Давлат мукофоти соҳиби, марҳум Ҳабиб Абдуллаев таваллудининг 110 йиллигига бағишланган анжуман  бўлиб ўтди. Ушбу анжуманда  Зарафшон ДГҚЭ ходимлари ва Самарқанд шаҳар ҳокимияти  вакиллари,  Самарқанд давлат унверситети  олимлари иштирок этишди.  Тадбирда йиғилиш иштирокчиларига  ўзбек  геология фани ривожига салмоқли ҳисса қўшган  Абдуллаев  Ҳабиб Муҳаммедовичнинг ҳаёти,  ижодий фаолияти,  мамлакатимизда тоғ-кон ва металлургия саноатининг ривожига қўшган ҳиссаси   борасида маълумотлар тақдим этилди.