Янги таҳрирдаги жамоа шартномаси бўйича комиссия йиғилиши бўлиб ўтди

“Ўзбек геология қидирув” АЖ Марказий бошқарув аппаратида Касаба уюшмаси ва комиссия аъзолари иштирокида жамоа шартномасининг янги таҳририни муҳокамаси бўйича йиғилиш бўлиб ўтди. Йиғилишда комиссия аъзолари жамоа шартномасининг ҳар бир бўлим ва бандларини бирма-бир муҳокама қилиб, қонунчиликдаги янги нормалар асосида қўшимча ва ўзгартиришлар киритилди. Таъкидлаш жоизки, қабул қилинадиган янги таҳрирдаги Жамоа шартномаси 2024-2026 йилларда корхонада иш берувчи билан ходимлар ўртасидаги меҳнатга оид, ижтимоий-иқтисодий ва касбга оид муносабатларни тартибга солувчи норматив ҳужжат ҳисобланади.