Диққат, эълон!

Ташкилот: “Ўзбек геология қидирув” АЖ.
Иш жойи: Самарқанд аналитик лабораториялар мажмуаси.

Эритиш печларини таъмирлаш ва техник хизмат кўрсатиш бўйича мутахассис лавозимига 4 нафар фуқаролар жорий йилнинг 31-декабрига қадар фуқаролик-ҳуқуқий тусдаги шартнома асосида ишга таклиф қилинади.

Асосий хизмат вазифалари:

• Жамиятга тегишли лаборатория бўлинмаларида 1100 °С гача ҳароратда ишловчи эритиш печларини таъмирлаш ва техник хизмат кўрсатиш;

• Носоз бошқарув блокларини диагностика қилиш, таъмирлаш ва соз ҳолатга келтириш;

• Электр ва автоматика элементларидаги носозликларни аниқлаш, тиклаш ёки алмаштириш;

• Контактор, реле, ёқиш трансформатори, ҳарорат регулятори ҳамда уланиш занжирларини синовдан ўтказиш;

• Пневматик эшик механизмларига техник хизмат кўрсатиш ва таъмирлаш;

• Хавфсизлик блоклари ва ҳимоя тизимларининг узлуксиз ишлашини таъминлаш;

• Электр, пневматик ва иссиқлик изоляцияси тизимларини белгиланган меъёрларга мувофиқ ҳолатга келтириш;

• Ускуналарнинг ишлаб чиқарувчи талабларига мувофиқ ишлашини назорат қилиш;

• Зарур ҳолларда эскирган ёки ишдан чиққан қисмларни тозалаш ёки алмаштириш;

• Оловбардош материаллар (ғишт, каовоол, керамик қоплама ва бошқалар)ни янгилаш;

• Печнинг ички камераси, эшиклари ва тутун йўлларини техник жиҳатдан яроқли ҳолатда сақлаш.

Ариза топшириш тартиби:

• Ҳужжатлар қабул қилиш муддати: 5 (беш) иш куни.

• Боғланиш учун телефон: +998 93 612 30 89.