OAV biz haqimizda

Geologiya-qidiruv ishlari natijasida mineral xomashyoga boy mamlakatlarning iqtisodiy-ijtimoiy rivojlanish koʻrsatkichlari yuqori boʻlgani tarixdan maʼlum. Oʻzbekiston ham yer osti tabiiy qazilmalariga boy davlat. Uning zaminida sanoat va investitsiyalar oʻsishi uchun asos yaratuvchi oltin, uran, mis, kamyob metallar va boshqa strategik zaxiralar mavjud. Sohaning alohida ahamiyatini inobatga olgan holda 2021-yilda “Oʻzbek geologiya qidiruv” aksiyadorlik jamiyati tashkil etilib, uning zimmasiga geologiya- qidiruv ishlarini modernizatsiya qilish va rivojlantirish vazifasi yuklatildi. Bugun barqaror taraqqiyot, “yashil” ener­getika va strategik xomashyo turlariga jahon hamjamiyatining qiziqishi ortib borayotgan bir paytda geologiya-qidiruv ishlarining ahamiyati milliy iqtisodiyot doirasidan chi­qib, xalqaro drayver sohaga aylanmoqda. Soʻnggi yillarda yurtimiz har tomonlama oʻsib, rivojlanmoqda. Albatta, bu oʻzgarish­lar mamlakatimizdagi odilona siyosat nati­jasidir. Bugun geologiya sohasi rivojining ham huquqiy asoslari mustahkamlandi. Geo­logiya korxonalarini ilgʻor xalqaro tajriba asosida transformatsiya qilish orqali ularda samarali boshqaruv tizimini joriy etish, foydali qazilmalarning yangi konlarini ochishga yoʻnaltirilgan ishlar tannarxini pasaytirish, konlarni oʻzlashtirish uchun toʻgʻ­ridan toʻgʻri xorijiy investitsiya oqimini koʻpaytirish maqsadida 2021-yilda “Marka­ziy laboratoriya” va “Geoburtexnika” DUKla­ri, “Samarqandgeologiya”, “Surxongeologiya”, “Toshkentgeologiya”, “Qizilqumgeologiya” va “Hisorgeologiya” AJlarni qoʻshib yuborish orqali ular negizida “Oʻzbek geologiya qidi­ruv” AJ tashkil etilgan edi. Natijada Oʻzbe­kiston hududida geologiya-qidiruv ishlariga xizmat koʻrsatuvchi zamonaviy korporativ boshqaruv tizimiga ega yagona tashkilot paydo boʻldi. Bu transformatsiya jarayoni nafaqat boshqaruvda, balki geologiya-qidiruv ishlari samaradorligi va natijadorligini oshirish­da ham tub burilish yasadi. Oʻtgan davr mo­baynida korxona sohaga zamonaviy va yuqori samarali uskunalarni, ilgʻor texnika va in­novatsion texnologiyalarni joriy etish hamda sohani modernizatsiyalash hisobiga geologiya- qidiruv ishlarini uch barobar oshirdi. Bu­gungi kunda AJda 4,5 mingdan ziyod malakali mutaxassis faoliyat yuritadi. AJ tarkibida 4 ta markaziy geologiya-qidiruv ekspeditsiya­si va Regional markaziy geologiya tasvirlash ekspeditsiyasi, Markaziy geologiya-geofizika ekspeditsiyasi, shuningdek, 5 ta tahlil labora­toriyasi, 13 ta dala ekspeditsiyasi mavjud boʻ­lib, ular geologiya-qidiruv ishlarini jadal amalga oshirmoqda. Mamlakatimiz iqtisodiyotining tayanchi, sanoatning qon tomiri boʻlgan geologiya so­hasida yangi davr boshlandi. Sohaga eng il­gʻor texnologiyalar olib kirildi. Natijada yer osti boyliklari zaxirasi va prognozlari karrasiga oʻsdi. Sohaga 3D seysmorazved­ka, aerogeofizika, raqamli geologiya joriy etildi. Geologiya-qidiruv koʻzga koʻrinmas, ammo mashaqqatli mehnat. Geologlarning har bir topilmasi yangi zavod, yangi ish oʻrnidir. Oʻzbekistonda, ayniqsa, sanoat uchun muhim boʻlgan volfram, molibden, magniy, litiy, germaniy, grafit va titan kabi 30 dan ortiq texnologik mineral mavjud. Bu kabi foyda­li qazilmalarni izlab topish va oʻzlashtirish konchilik, metallurgiya, energetika, kimyo va qurilish sanoatining barqaror ishlashi uchun poydevor boʻladi. Afsuski, ilgari bu salo­hiyat toʻliq roʻyobga chiqarilmagan, foydali qazilmalarni izlash, texnogen chiqindilarni qayta ishlash va mahsulotga aylantirish bo­rasida yetarlicha investitsiya jalb etilmagan edi. Geologiya sohasi yangi bosqichga olib chi­qilishi natijasida bugun yangi konlar ochi­lib, sanoat tarmoqlari kengaymoqda. “Oʻzbek geologiya qidiruv” AJ oʻtgan toʻrt yil mobaynida 13 ming kvadrat kilometrdan ziyod hududda geologiya-qidiruv ishlarini olib bordi. Buning natijasida 20 ga yaqin kon zaxiralari hisoblab chiqildi va davlat zaxiralari komissiyasida tasdiqlandi. Xu­susan, Avliyo, Koʻrmitin, Aqba, Hayotboshi, Zimbiltov, Vodiy (oltin), Miskon (mis), Oʻrikli, Nilyu (koʻmir), Sarikoʻl, Xoʻjadiq (volfram), Xondiza, Maydonsoy, Lashke­rek (polimetall), Qoʻrgʻontosh, Tubegatan (kaliy), Shoʻrop (gips), Vandon (qum-shagʻal) kabi konlar shular jumlasidandir. Bu kabi foydali qazilmalar “yashil” energetika, elektromobil va yuqori texnologiyali mah­sulotlar ishlab chiqarishga xizmat qiladi. Soʻnggi yillarda yuqori qoʻshilgan qiy­matga ega mahsulotlar ishlab chiqarishga qaratilgan yirik loyihalar boʻyicha ishlar koʻpaymoqda. Eng muhim vazifalardan biri zamonaviy texnologiyalar asosida qimmat­baho xomashyoni rudadan ajratib olish, uni tozalash va yuqori sifatli mahsulotga ay­lantirishdir. Bu borada “Oʻzbek geologiya qidiruv” AJ muhim rol oʻynamoqda. Ja­miyat foydali qazilmalarni aniqlash, ular­ni sanoatga yoʻnaltirish boʻyicha salmoqli loyihalarni amalga oshirmoqda. Geologik izlanishlar oʻrta va uzoq muddatli dastur­lar asosida yuritiladi hamda har yili yan­gilanib boriladi. Bugungi kunda eng faol geologiya-qidiruv ishlari Navoiy, Samar­qand, Toshkent va boshqa viloyatlarning togʻ va togʻoldi hududlarida keng koʻlamda davom etmoqda. Foydali qazilmalar zaxiralarini oshirish aksiyadorlik jamiyat oldida turgan asosiy vazifalardan. Sohaga ilgʻor uskunalar, innovatsion tex­nologiyalar joriy etildi. Bu esa, oʻz navbati­da, ish sifati va surʼatini sezilarli dara­jada oshirdi. Bugungi kunda “Oʻzbek geologiya qidiruv” AJ chuqurligi 2 kilometrgacha boʻl­gan, foydali qazilmalar uchun moʻljallangan koʻp yoʻnalishli burgʻilash uskunalarining eng yirik parkiga ega. AJ “DBC Makina” kompaniyasining jahon standartlariga mos zamonaviy gidravliklashtirilgan “ESD-9”, “S-15 21” va “SONMAK” kompaniyasining “RX-4” markali ellikdan ortiq burgʻilash uskunasini sotib oldi va ish jarayoniga tatbiq qildi. Buning natijasida burgʻilash parki 56 foiz yangilanib, burgʻilash uskuna­lari 151 taga yetdi, yordamchi maxsus texnika vositalari soni 400 dan oshdi. Hozir ilgari oʻrganilmagan maydonlar toʻliq qamrab olinmoqda. Yil sayin foy­dali qazilmalar roʻyxati kengaymoqda, za­monaviy, jumladan, aerogeofizika usuli qoʻllanilmoqda. Bu usul havodan turib, yer qatlamining geofizik xususiyatlarini tez va aniq oʻrganish imkonini beradi. Ilgari konlarni aniqlash uchun oʻn yillar kerak edi, hozir esa bu ish bir necha yil ichida ba­jarilmoqda. 2025-yilda “Oʻzbek geologiya qidiruv” AJ tomonidan 100 dan ortiq loyiha doirasida geologiya-qidiruv ishlari rejalashtirilgan. Hozir mineral xomashyo bazasini rivojlan­tirish va qayta tiklash davlat dasturi doi­rasida oltin, kumush, mis, qoʻrgʻoshin, rux, volfram kabi rudali foydali qazilmalar hamda qurilish materiallari va kimyo sa­noatida qoʻllanadigan resurslar boʻyicha ham ishlar bajarilmoqda. Aksiyadorlik jamiyati geologik burgʻilash quduqlarida qoʻllani­ladigan yuvuvchi suyuqliklarni tayyorlashda zamonaviy kimyoviy reagentlardan foydalan­moqda. Bu esa, oʻz navbatida, burgʻilash quvur­lari, nasos mexanizmlari, olmosli asboblar uzoq muddat xizmat qilishiga va kern namu­nalarini sifatli olishga xizmat qilmoqda. Zamonaviy kimyoviy reagentlar ish unumdor­ligini oshirish bilan birga atrof-muhitga zararli taʼsirni kamaytiradi. Modernizatsiyalash doirasida raqamli tex­nologiyalar asosida ish jarayonlarini opti­mallashtirish, maʼlumotlar bazasini markaz­lashtirish va xalqaro standartlarga muvofiq geologik axborotlarni tayyorlashga yoʻnalti­rilgan ishlar koʻlami kengaydi. 2023-yildan boshlab geologik, geofizik va geokimyoviy maʼlumotlarni yagona elektron koʻrinishga oʻtkazish, ularni markazlashgan bazada saqlash va tezkor foydalanish imkoniyatini yaratish maqsadida Geobank va Geobank Mobile tizi­mi joriy etildi. Geobankda saqlanayotgan maʼlumotlar JORC va CRIRSCO xalqaro ko­dekslari talablariga javob beradi. Bu esa xalqaro investorlar uchun hisobotlar tayyor­lash, geologik izlanishlarda sifat kafola­tini oshirish hamda qidiruv va qazib olish jarayonlarini xalqaro amaliyotga muvofiq tashkil etish imkoniyatini beradi. Bugun aksiyadorlik jamiyati tomonidan zamonaviy burgʻilash uskunalari orqali oli­nayotgan kern namunalari 100 foizga yetib, tahlillar aniqligini oshirmoqda. Shuning­dek, jamiyat tarkibidagi laboratoriyalarda namunalarni sifatli tahlil qilish va uning tarkibidagi elementlarni aniq koʻrsatib berish uchun 150 dan ziyod zamonaviy jihoz asosida tahlillar amalga oshirilmoqda. Qolaversa, kimyoviy elementlar soni ham oshib, 70 ga yaqin elementga tahlil jarayon­lari oʻtkazilmoqda. Bu esa yer qaʼridagi noyob elementlar va kamyob metallar boʻyicha aniq, sifatli maʼlumotlar olishga xizmat qiladi. Zamonaviy geologiya-qidiruv ishlarini raqamli texnologiyalarsiz tasavvur qilib boʻlmaydi. Ishlab chiqarish jarayonlarining har bir bosqichiga raqamlashtirish va av­tomatlashtirish joriy etilmoqda. Jamiyat ham ushbu yoʻnalishda ilgʻor tajribalarni oʻz faoliyatiga tatbiq etmoqda. Avvalo, raqamli texnologiyalar ish jarayonlarini real vaqt rejimida nazorat qilish imkonini beryapti. Yaʼni ekspeditsiyalarning burgʻilash ishlari, ishchi kuchidan foydalanish, texnik resurs­lar sarfi, hatto yoʻqotishlar yoki ortiqcha xarajatlar onlayn tarzda koʻrilmoqda. Bu jarayonlar foto va videolavhalar bilan huj­jatlashtirilib, tezkor qaror qabul qilish imkonini yaratmoqda. Bundan tashqari, raqamli texnologiyalar xalqaro maydonda ham raqobatbardoshlikni taʼminlaydi. Chunki bugungi kunda tender va yirik xalqaro shartnomalarda ish jarayonla­rini raqamli kuzatish, hisobotlarni elektron shaklda taqdim etish, aniq va onlayn maʼlumotlar berish eng muhim talablardan biriga aylandi. Shu tariqa “Oʻzbek geologiya qidiruv” AJ nafaqat texnik modernizatsiya, balki raqamlashtirish jarayonlari orqali ham faoliyatini yangi bosqichga olib chiqmoq­da. Bu esa soha samaradorligini oshirish bi­lan birga inson mehnatini yengillashtirish, xavfsizlikni taʼminlash va geologiya-qidi­ruv ishlarini xalqaro standartlarga mos ra­vishda amalga oshirishga yoʻl ochmoqda. Oʻzbekiston geologiya sohasini rivojlan­tirish konsepsiyasida 2030-yilgacha qator ustuvor vazifalar belgilangan boʻlib, unda respublika hududini kompleks geologik oʻr­ganish va mineral resurslar potensialini baholash, yangi mineral xomashyo bazalarini shakllantirish va mavjud konlar zaxirala­rini oshirish, kamyob va strategik ahamiyatga ega elementlar (litiy, niobiy, tantal, ko­balt, skandiy, reniy va boshqalar) boʻyicha izlanishlarni kengaytirish, aniq va ishonch­li prognoz kartalarini tayyorlash orqali istiqbolli maydonlarni belgilab olish, xorijiy universitetlar va ilmiy markazlar bilan hamkorlikni kuchaytirish masalalari koʻzda tutilgan. 2030-yilga qadar kam oʻrganilgan hudud­larda yangi istiqbolli maydonlarni aniq­lash va geologiya-qidiruv ishlarini olib borish natijasida respublikadagi foydali qazilmalar zaxiralari sezilarli darajada koʻpayishi kutilmoqda. Xususan, 3000 pogonometrdan ortiq bur­gʻilash ishlari, 3200 pogonometr yer osti togʻ-kon ishlari, 1670 kub metr togʻ-kon usti ishlari bajarilishi rejalashtirilgan. Na­tijada oltin zaxirasi 969 tonna, mis 676 tonna, kumush 510 tonna, qoʻrgʻoshin va rux zaxiralari esa ikki baravarga yaqin oshishi prognoz qilinmoqda. Bugun “Oʻzbek geologiya qidiruv” AJ xo­rijiy davlatlarda ham xalqaro tenderlarda ishtirok etib, raqobatbardosh xizmat koʻrsa­tish imkoniyatiga ega boʻlmoqda. Bu esa mil­liy geologiya sohasini tashqi bozorga olib chiqish va mamlakat iqtisodiyotini yuksalti­rishda muhim omil boʻladi. Aksiyadorlik jamiyati yosh boʻlishiga qa­ramay, bugungi kunda Oʻzbekiston hududidan tashqarida bir necha xorijiy hamkorlik loyi­halarini boshlab yubordi. Jumladan, Afgʻo­niston hamda Moʻgʻuliston bilan muzokaralar olib borib, har ikkala tomonga ham manfaat­li boʻlgan yoʻnalishlar boʻyicha faoliyat bosh­landi. Keyingi rejalar xorijiy hamkorlik loyihalari sonini yanada koʻpaytirish va fao­liyat turini kengaytirishdan iborat. Oʻtgan davrda AJ iqtisodiy faoliyati­ning barqarorligi va samaradorligini oshi­rish borasida qator transformatsiya jarayon­lari amalga oshirildi. Xususan, 2023-yilda jamiyat tarkibidagi dala ekspeditsiyalari birlashtirilib, negizida markaziy ekspe­ditsiyalar tashkil etildi. Bundan tashqari, Prezidentimizning 2024-yil 24-maydagi “Togʻ-kon sanoati va geologiya vazirligi hu­zuridagi Togʻ-kon sanoati va geologiya soha­sini nazorat qilish inspeksiyasi faoliyati­ni samarali tashkil etish chora-tadbirlari toʻgʻrisida”gi qarori ijrosini taʼminlash maqsadida “Oʻzbek geologiya qidiruv” AJ unga “Regionalgeologiya” DMni qoʻshib olish orqali qayta tashkil etildi. Bu boradagi islohotlar oʻz natijasini berib, 2024-yil yakunlari boʻyicha oʻrtacha ishlab chiqarish sa­maradorligi 2021-yildagiga nisbatan 75 foiz, xodimlar soni 26 foiz, oʻrtacha oylik ish haqi 85 foiz oʻsdi. Aksiyadorlik jamiyati moliyaviy imko­niyatlarini yanada kengaytirish hamda ham­korlar ishonchini mustahkamlash, tashki­lotda islohotlarni yanada jadallashtirish uchun xalqaro koʻrsatkichlarni ham yaxshilab bormoqda. Xususan, 2024-yil yakunlari boʻ­yicha xalqaro “S&P Global Ratings” agentligi tomonidan “V” — “Barqaror” reyting dara­jasi berildi. Shuningdek, ISO 9001:2015 — Sifat menejmenti sertifikati va Korrup­siyaga qarshi kurashish menejmenti tizimi boʻyicha — ISO 37001:2016 xalqaro standart­lari olindi. Geologiya-qidiruv ishlari samarador­ligida sohada faoliyat yuritayotgan xodim­larning oʻrni juda muhim. Bu borada qator universitetlar bilan hamkorlikda tizim­li ishlar qilinmoqda. Xususan, geologiya fakultetida tahsil olayotgan talabalar amaliyotni tashkilot tarkibidagi ekspedi­siyalarda oʻtamoqda. Bu oʻquv jarayonlarida olingan bilimlarni amaliyotda qoʻllash va oʻz ustida ishlashga imkoniyat yaratadi. Shuningdek, jamiyatda universitetlardan saralab olingan faol yoshlar guruhi tash­kil etilgan. Ular oʻqishdan keyin mehnat faoliyatiga jalb etilmoqda. Talabalar ish oʻrganish bilan birga yirik loyihalarga bi­riktirilgan. Bu, albatta, yoshlar iqtidorini oshirish va kelajakda yetuk kadr sifatida jamiyat rivojiga munosib hissa qoʻshishiga zamin yaratadi. Bir soʻz bilan aytganda, “Oʻzbek geologiya qidiruv” AJ yurtimiz zaminida mavjud ta­biiy boyliklarni oʻzlashtirishni yangi bos­qichga olib chiqish va sohadagi investitsiya muhitini yanada yaxshilash, mineral xomashyo bazasini rivojlantirishga qaratilgan islo­hotlarni amalga oshirishda bor imkoniyatini ishga solmoqda. Shamsiddin ALIMOV, “Oʻzbek geologiya qidiruv” aksiyadorlik jamiyati boshqaruv raisi

“O‘zbek geologiya qidiruv” AJ tasarrufiga “Regionalgeologiya” davlat muassasasining tegishli aktivlarini qo‘shib olish haqida.

— Ekspeditsiya jarayonlari qaysi mablag‘lar hisobiga yo‘lga qo‘yiladi? — Texnikalar yetarlimi, ish unumdorligi qanday?   —Yaqinda qabul qilingan “O‘zbekiston – 2030” strategiyasida  geologiya-qidiruv sohasi bo‘yicha qanday vazifalar qo‘yildi?   “O‘zbek geologiya qidiruv” aksiyadorlik jamiyati tomonidan Toshkent markaziy geologiya-qidiruv ekspeditsiyasiga press-tur tashkil etildi. Geologiya-qidiruv sohasida amalga oshirilayotgan ishlarni o‘rganish maqsadida tashkil etilgan press-tur davomida mazkur savollarga javob oldik.   Ma’lumki, davlatimiz rahbarining tegishli  qaroriga muvofiq, 2021 yil avgust oyida geologiya-qidiruv ishlariga xizmat ko‘rsatish bo‘yicha “O‘zbek geologiya qidiruv” aksiyadorlik jamiyati tashkil etilgan. Bugungi kunda jamiyat tomonidan zamonaviy va yuqori samarali uskunalar, ilg‘or texnika va innovatsion texnologiyalar orqali hududlarda geologiya-qidiruv ishlari jadal amalga oshirilib, respublika mineral-xom ashyo bazasini rivojlantirishga katta hissa qo‘shib kelinmoqda.   Ayni damda sohada 3 ming 500 dan ziyod xodim faoliyat olib bormoqda.  Ular geolog, muhandis, quruvchi, iqtisodchi va boshqa soha mutaxassislaridir.   Press-tur davomida jurnalistlar dastlab geologiya-qidiruv ishlariga xizmat ko‘rsatuvchi texnikalar,burg‘ulash uskunalari bilan tanishtirildi.   —  Geologiya sohasida olib borayotgan islohotlarimizni, eng avvalo texnikalarni yangilash hamda ko‘paytirishdan boshladik, — deydi Toshkent markaziy geologiya-qidiruv ekspeditsiya rahbari Bektosh Eshmirzayev.— Hozirgi kunda jamiyatda 78 dona zamonaviy yuqori texnologik va 12 dona boshqa turdagi burg‘ulash uskunalari, 41 dona maxsus texnika, 62 dona suv tashuvchi maxsus avtotransport, 59 dona yo‘l qurilish texnikalari mavjud. Ushbu texnikalar dalada ish olib borayotgan geologiya-qidiruv ishlariga xizmat ko‘rsatadi. Bunday texnikalar albatta ish unumdorligi va belgilangan rejalarni o‘z vaqtida bajarishga xizmat qiladi.     Aksiyadorlik jamiyati tarkibida respublikamiz hududida geologik qidiruv ishlarini olib borish uchun 4 ta ekspeditsiya mavjud. Xususan, Qizilqum, Hisor, Samarqand va Toshkent markaziy geologiya-qidiruv ekspeditsiyalari hamda Markaziy laboratoriya, Markaziy ishlab chiqarish bazasi va Kompleks geologik geofizika partiyasi, shuningdek, “Geoburxizmat” uchastkalari mavjud.   Bu tashkilotlar geologiya-qidiruv sohasidagi ishlar samaradorligini va natijadorligini oshirishga xizmat qilib kelmoqda.     Markaziy laboratoriyada asosan olib kelingan namunalarning tahlil ishlari olib boriladi. Ya’ni, olib kelingan elementlarning tarkibida qancha oltin, kumush, mis, rux, qo‘rg‘oshin kabi elementlar borligi aniqlanadi.   —Geologiya, eng avvalo izlashdan boshlanadi, — deydi Toshkent markaziy geologiya-qidiruv ekspeditsiyasining bosh geologi Mahmud Jumaqulov. — Keyin baholash va qidiruv ishlariga o‘tamiz. O‘sha jarayonda biz namunalar olib, ular laboratoriyaga topshiriladi. Laboratoriyada mavjud metall va elementlarning miqdorini aniqlaymiz. Asosan oltin, kumush, rangli metallar va noyob yer elementlarini qidiramiz.   Toshkent markaziy geologiya-qidiruv ekspeditsiyasi ikkita dala ekspeditsiyasidan iborat. Birinchisi, “Sharqiy-Qurama” dala ekspeditsiyasi. Bugungi kunga qadar Qizil olma va Chodak ma’dan maydonlarida nodir va rangli metallarni geologik izlash va baholash ishlari 13 ta loyiha asosida olib borilayapti.  Bulardan 6 ta loyiha davlat byudjeti va 7 ta loyiha maxsus mablag‘lar hisobidan amalga oshirildi. Ikkinchisi, Olmaliq dala ekspeditsiyasi bo‘lib, unda joylashgan Qalmoqqir koni o‘zining ko‘lami va olinadigan foydali qazilma boyliklari turfaligi tufayli dunyodagi barcha geologik darsliklarga kiritilgan.     Shuni alohida ta’kidlab o‘tish kerakki, bugungi kunda geologiya sohasida respublika mineral-xom ashyo bazasini rivojlantirishda “O‘zbek geologiya qidiruv” AJ tomonidan amalga oshirilayotgan loyihalarning o‘rni ahamiyatlidir.     “O‘zbekiston – 2030” strategiyasida kelgusida respublikaning 60 ming kvadrat kilometr maydonida geologiya-qidiruv ishlarini amalga oshirish vazifasi qo‘yildi.   Nigora Rahmonova,   Abror Sodiqov(Video) O‘zA

Joriy yilning 12-oktabr kuni “O‘zbek geologiya qidiruv” AJ Axborot xizmati tomonidan press-tur tashkil etilib, unda OAV vakillari ishtirok etishdi. Press-tur ishtirokchilari “O‘zbek geologiya qidiruv” AJ faoliyati, geologiya va qidiruv sohasida amalga oshirilayotgan ishlar, respublika mineral xom ashyo bazasi rivojlantirilishini ta'minlashga qaratilgan vazifalar ijrosi bilan yaqindan tanishishdi. Toshkent Markaziy geologiya qidiruv ekspedisiyasiga tashkil etilgan press tur davomida jurnalistlarga dastlab geologik xaritalar chizish, xaritalarni raqamlashtirish yuzasidan amalga oshirilayotgan ishlar, transport texnikalaridan samarali foydalanish bo‘yicha “O‘zbek geologiya qidiruv” AJ faoliyati to‘liq tanishtirildi. OAV vakillari Toshkent Markaziy geologiya qidiruv faoliyati, ekspedisiyadagi asosiy transport  texnikalari bilan tanishib, Ungurlikon uchastkasidagi burg‘ulash ishlarini, kern saqlash omboridagi texnologik jarayonlarning guvohi bo‘lishdi. Shuningdek, ekspedisiyaning “Sharqiy Qurama dala ekspeditsiyasi” laboratoriyasi kompleksi faoliyati ham OAV vakillarida katta taassurot qoldirdi. Prezidentning joriy yil 28-fevraldagi PF-27 farmoniga asosan “2022-2026 yillarga mo‘ljallangan Yangi O‘zbekistonning taraqqiyot strategiyasini Insonga e'tibor va sifatli ta'lim yilida amalga oshirish” ga oid Davlat dasturi doirasida Toshkent Markaziy geologiya qidiruv ekspedisiyasida bir qator loyihalar amalga oshirildi. Toshkent MGQE ikkita dala ekspeditsiyasidan iborat bo‘lib, birinchisi “Sharqiy-Qurama” dala ekspeditsiyasidir. Ushbu ekspedisiya tomonidan bugungi kunga qadar Qizil olma va Chodak ma’dan maydonlarida nodir va rangli metallarni geologik izlash va baholash ishlarini 13 ta loyiha asosida olib borilmoqda. Bulardan 6ta loyiha davlat byudjeti va 7ta loyiha maxsus hisobidan ajratilgan mablag‘lari hisobiga amalga oshirildi. Ikkinchisi Olmaliq dala ekspedisiyasisi bo‘lib, unda joylashgan Qalmoqqir koni o‘zining ko‘lami va olinadigan foydali qazilma boyliklari turfaligi tufayli (Mendeleyev sistemasining 10-dan ortiq rangli, nodir va noyob elementlari), dunyodagi barcha geologik darsliklarga kiritilgan. Shuningdek, dunyo miqyosidagi yirik konlar qatoridan o‘rin olgan. Prezidentning “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishga doir qo‘shimcha chora-tadbirlar to‘g‘risidagi qaroriga muvofiq bugungi kunda “Yoshlik-1” konini o‘zlashtirish ishlari olib borilmoqda. Bunga ko‘ra,  OKMKning ishlab chiqarish quvvati 4 barobarga ko‘payishi kutilmoqda. Bu ishlarni amalga oshirish uchun hozirda 3-Mis boyitish fabrikasining qurilish ishlari jadal olib borilmoqda. - Hozirgi kern(silindrsimon diametri uzunligidan kichik bo‘lgan tog‘ jinsi) saqlash  omborida 22500 ta kern yashiklari bo‘lib, 135 000 pogonometr  kernlar saqlanayapti, - deydi Olmaliq dala ekspeditsiya bosh geologi Davron Ermatov. - Belgilangan vazifalarni bajarish maqsadida hozirda Olmaliq dala ekspeditsiyasi rangli va qimmatbaho metallarni izlash va qidirish maqsadida, 2 ta polimetal ma'danlariga, 6ta mis ma'danlariga va  5ta nodir metallarni izlash va baholash ishlari loyihalari ustida ish olib bormoqda. So‘nggi yillarda Davlatimiz rahbari tomonidan geologiya qidiruv sohasiga qaratilayotgan e'tibor tufayli sohaning moddiy texnik bazasi tubdan yangilandi, yangi maxsus texnikalar va chet el ilg‘or texnologiyalariga asoslangan burg‘ilash uskunalari olib kelindi va natijada ish unumdorligi bir necha barobarga oshdi. Xususan, bir oyda zamonaviy burg‘ilash uskunasi orqali 1 000 p.metrdan yuqori burg‘ilash ishlari bajarishga erishilmoqda. Avval olib borilgan geologiya qidiruv ishlarida 600 metr chuqurlikgacha o‘rganilgan bo‘lsa, hozirda esa 1 200 metr chuqurlikgacha burg‘ilash orqali geologik o‘rganish imkoniyatlarini yaratmoqda. Bu esa albatta, foydali qazilmalar zaxira va resurslarining mineral xom ashyo bazasini kengaytirishda keng imkoniyatlar yaratib bermoqda. Sohada amalga oshirilayotgan ishlarga Olmaliq hududida ochilgan mineral xom ashyo bazasini o‘sishiga xizmat qiluvchi yirik mis-porfirli Miskon konini yaqqol misol qilib keltirsak bo‘ladi. Bundan tashqari, Qorabuloq va Yoshlik-2 konlarining chuqur gorizontlarini va qanotlarini qo‘shimcha qidirish hisobiga mis-molibden, oltin zaxiralari oshirilmoqda. Qo‘rg‘oshin-rux mineral xom ashyo bazasini kengayishi Kulchulak koni va Markaziy uchastkalari hisobidan, oltin zaxiralarining kengayishi esa Quyikenjasoy, Janubiy-1 va Togap uchastkalari hisobiga to‘g‘ri keladi. Press-tur davomida jurnalistlar bugungi kunda geologiya sohasida amalga oshirilayotgan islohotlar bilan Toshkent Markaziy geologiya qidiruv ekspedisiyasi misolida batafsil tanishishdi. OKMK Axborot xizmati

Joriy yilning 12- oktabr kuni “O‘zbek geologiya qidiruv” aksiyadorlik jamiyati faoliyati bilan yaqindan tanishish va geologiya qidiruv sohasida amalga oshirilayotgan ishlar, respublika mineral-xom ashyo bazasi rivojlantirilishini taʼminlashga qaratilgan vazifalar ijrosi bilan yaqindan tanishish maqsadida aksiyadorlik jamiyati tarkibidagi Toshkent Markaziy geologiya qidiruv ekspeditsiyasiga press-tur tashkil etildi. Unda ommaviy axborot vositalari vakillari va jurnalistlar ishtirok etdilar.Maʼlumki, 2021 yil 21 aprelda O‘zbekiston Respublikasi Prezidentining PQ-5083-son Qaroriga muvofiq, 2021 yil avgust oyida geologiya qidiruv ishlariga xizmat ko‘rsatish bo‘yicha “O‘zbek geologiya qidiruv” aksiyadorlik jamiyati tashkil etilgan. Bugungi kunda jamiyat tomonidan zamonaviy va yuqori samarali uskunalar, ilg‘or texnika va innovatsion texnologiyalar orqali hududlarda geologiya-qidiruv ishlarini jadal amalga oshirib, respublika mineral-xom ashyo bazasini rivojlantirishga katta hissa qo‘shib kelmoqda. Aksiyadorlik jamiyati tarkibida respublikamiz hududida geologik qidiruv ishlarini olib borish uchun 4 ta ekspeditsiya mavjud bo‘lib, bular Qizilqum, Hisor, Samarqand va Toshkent Markaziy geologiya qidiruv ekspeditsiyalari hamda Markaziy laboratoriya, Markziy ishlab chiqarish bazasi va Kompleks geologik geofizika partiyasi, shuningdek, Geoburxizmat uchastkalari mavjud bo‘lib, bu tashkilotlar geologiya-qidiruv sohasidagi ishlarni samaradorligini va natijadorligini oshirishga xizmat qilib kelmoqda. Hozirgi kunda jamiyatda 78 dona zamonaviy yuqori -texnologik va 12 dona boshqa turdagi burg‘ulash uskunalari, 41 dona maxsus texnika, 62 dona suv tashuvchi maxsus avtotransport, 59 dona yo‘l qurilish texnikalari mavjud bo‘lib bu esa albatta ish unumdorligi va belgilangan rejalarni o‘z vaqtida bajarishga xizmat qiladi. Maʼlumot uchun bugungi kunda sohada 3500 dan ziyod xodim faoliyat olib bormoqda. Jumladan, bular geologlar, muhandislar, quruvchilar, iqtisodchilar va boshqa soha mutaxassislaridan iborat. Press-tur davomida aksiyadorlik jamiyat tarkibidagi Toshkent Markaziy geologiya qidiruv ekspeditsiyasi faoliyati bilan yaqindan tanishildi. O‘zbekiston Respublikasi Prezidentining joriy yilning 28 fevral sanasidagi PF-27 farmoniga asosan “2022-2026 yillarga mo‘ljallangan Yangi O‘zbekistonning taraqqiyot strategiyasini Insonga eʼtibor va sifatli taʼlim yilida amalga oshirish” ga oid Davlat dasturi doirasida Toshkent Markaziy geologiya qidiruv ekspeditsiyasida bir qator loyihalar amalga oshirildi. Toshkent MGQE ikkita dala ekspeditsiyasidan iborat. Birinchisi “Sharqiy-Qurama” dala ekspeditsiyasidir. Bugungi kunga qadar Qizil olma va Chodak maʼdan maydonlarida nodir va rangli metallarni geologik izlash va baholash ishlarini 13 ta loyiha asosida olib borilayapti. Bulardan 6 ta loyiha davlat byudjeti va 7 ta loyiha maxsus hisobidan ajratilgan mablag‘lari hisobiga amalga oshirildi. Ikkinchisi Olmaliq dala ekspeditsiyasisi bo‘lib, unda joylashgan Qalmoqqir koni o‘zining ko‘lami va olinadigan foydali qazilma boyliklari turfaligi tufayli (Mendeleyev sistemasining 10-dan ortiq rangli, nodir va noyob elementlari), dunyodagi barcha geologik darsliklarga kiritilgan. Shuningdek, dunyo miqyosidagi yirik konlar qatoridan o‘rin olgan. O‘zbekiston Respublikasi Prezidentining “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishga doir qo‘shimcha chora-tadbirlar to‘g‘risidagi qaroriga muvofiq bugungi kunda “Yoshlik-1” konini o‘zlashtirish ishlari olib borilmoqda. Bunga ko‘ra “Olmaliq KMK”ning ishlab chiqarish quvvati 4 barobarga ko‘payishi kutilmoqda. Bu ishlarni amalga oshirish uchun hozirda 3chi-mis boyitish fabrikasining qurilish ishlari jadal olib borilmoqda. Belgilangan vazifalarni bajarish maqsadida hozirda Olmaliq dala ekspeditsiyasi rangli va qimmatbaho metallarni izlash va qidirish maqsadida, 2 ta polimetal maʼdanlariga, 6 ta mis maʼdanlariga va 5 ta oltinga izlash va baholash ishlari loyihalari ustida ish olib bormoqda. So‘ngi yillarda Davlatimiz rahbari tomonidan geologiya qidiruv soxasiga qaratilayotgan eʼtibor tufayli sohaning moddiy texnik bazasi tubdan yangilandi, yangi maxsus texnikalar va chet el ilg‘or texnologiyalariga asoslangan burg‘ilash uskunalari olib kelindi va natijada ish unumdorligi bir necha barobarga oshdi. Xususan, bir oyda zamonaviy burg‘ilash uskunasi orqali 1 000 p.metrdan yuqori burg‘ilash ishlari bajarishga erishilmoqda. Avval olib borilgan geologiya qidiruv ishlarida 600 metr chuqurlikgacha o‘rganilgan bo‘lsa, hozirda esa 1 200 metr chuqurlikgacha burg‘ilash orqali geologik o‘rganish imkoniyatlarini yaratmoqda. Bu esa albatta, foydali qazilmalar zaxira va resurslarining mineral xom ashyo bazasini kengaytirishda keng imkoniyatlar yaratib bermoqda. Sohada amalga oshirilayotgan ishlarga Olmaliq xududida ochilgan mineral xom ashyo bazasini o‘sishiga xizmat qiluvchi yirik mis-porfirli Miskon konini yaqqol misol qilib keltirsak bo‘ladi. Bundan tashqari Qorabuloq va Yoshlik-2 konlarining chuqur gorizontlarini va qanotlarini qo‘shimcha qidirish hisobiga mis-molibden, oltin zaxiralari oshirilmoqda. Qo‘rg‘oshin-rux mineral xom ashyo bazasini kengayishi Kulchulak koni va Markaziy uchastkalari hisobidan, oltin zaxiralarining kengayishi esa Quyikenjasoy, Janubiy-1 va Togap uchastkalari hisobiga to‘g‘ri keladi.Barchamizga maʼlumki bugungi kunda sohada sifat va samaradorlikni oshirish maqsadida zamonaviy texnologiyalardan foydalanish katta ahamiyatga ega. Shu sababli, “O‘zbek geologiya qidiruv” AJ geologik maʼlumotlarni qayta ishlash yaʼni geologik maʼlumotlarni kuzatib borish, maʼlumotlarni to‘plash, geologik axborotni nazorat qilish va boshqarishda samaradorlikni oshiradigan xavfsiz, zamonaviy va to‘liq moslashtirilgan zamonaviy dasturlardan foydalanib kelmoqda.Shuni alohida taʼkidlab o‘tish kerakki, bugungi kunda geologiya sohasi tizimida respublika mineral-xom ashyo bazasini rivojlantirishda “O‘zbek geologiya qidiruv” AJ tomonidan amalga oshirilayotgan loyihalarning o‘rni ahamiyatlidir. 2023 yil 11 sentyabrda qabul qilingan O‘zbekiston Respublikasi Prezidentining «O‘zbekiston - 2030» strategiyasi to‘g‘risidagi 158-son Farmonida belgilangan 48-maqsadda kelgusida respublikaning60 ming kvadrat kilometr maydonida geologiya qidiruv ishlarini amalga oshirish vazifasi qo‘yildi, bu albatta Aksiyadorlik jamiyati oldidagi masʼuliyatini yana-da oshiradi.Bugungi press-turda davomida Aksiyadorlik jamiyati faoliyati haqida ommaviy axborot vositalari va keng jamoatchilikni geologiya qidiruv sohasida amalga oshirilayotgan ishlar bilan yaqindan tanishtirildi.“O‘zbek geologiya qidiruv” AJAxborot xizmati.

O‘zbekiston hududidagi tog‘-konlarda olib borilgan geologik qidiruvlar natijasida 1 tonna tuproqda 1 grammdan 4,22 grammgacha oltin borligi aniqlandi. Bu haqda UzA xabar bermoqda.  Taʼkidlanishicha, «O‘zbek geologiya qidiruv» kompaniyasi tarkibidagi 10 ta ekspeditsiya, bitta markaziy laboratoriya va markaziy ishlab chiqarish bazasida bir qancha loyihalar amalga oshirilib kelinmoqda.  Xususan, “Hisor” dala geologiya qidiruv ekspeditsiyasi O‘zbekiston tog‘-kon va Qashqadaryo va Surxondaryo viloyatlari hududlarini o‘z ichiga olgan hududlarda qattiq noruda foydali qazilmalarini va qora metallarga kompleks geologiya qidiruv ishlarini olib borilmoqda.  Qayd etilishicha, ekspeditsiya faoliyati bilan yaqindan tanishish maqsadida “Hisor” dala geologiya qidiruv ekspeditsiyasi bosh geologi Mahmadiyor Shodiqulov boshchiligida “Yaxton” uchastkasi faoliyati o‘rganilgan.  “Yaxton” konining chuqur gorizontlarida 2019 yil geologik qazish ishlari boshlangan. Hozirda 10 dan ziyod maxsus texnikalar yordamida 40 dan ortiq mutaxassislar belgilangan rejaga muvofiq yerosti tog‘ lahm o‘tish ishlarini olib bormoqda, — deydi Mahmadiyor Shodiqulov.    “Yaxton” konining chuqur gorizontlarida magmatik tog‘ jinslari bilan bog‘liq minerallashgan zonalarda oltin va volfram qidiruv ishlari olib borilmoqda.    Olib borilgan geologik qidiruv ishlari natijasida 1 tonna tuproqda 1 grammdan 4,22 grammgacha oltin, qalinligi 11 metrgacha bo‘lgan 20 dan ortiq oltin maʼdan tanalari aniqlandi. Hozirgi kunda ularning davomiyligi o‘rganilmoqda. Manbaa: https://daryo.uz/k/2022/11/27/ozbekiston-toglaridagi-bir-tonna-tuproqda-qancha-oltin-bor/

O‘zbekiston hududagi tog‘-konlarda amalga oshirilgan geologik qidiruv natijasida 1 tonna tuproqda 1 grammdan 4,22 grammgacha oltin borligi maʼlum bo‘ldi. Shuningdek, qalinligi 11 metrgacha bo‘lgan 20 dan ortiq oltin maʼdan tanalari aniqlandi.  O‘zbekiston hududagi tog‘-konlarda amalga oshirilgan geologik qidiruv natijasida 1 tonna tuproqda 1 grammdan 4,22 grammgacha oltin borligi aniqlandi, deb xabar beradi O‘zA. Qayd etilishicha, «O‘zbek geologiya qidiruv» AJ tomonidan hududlarda geologiya-qidiruv ishlarini jadal amalga oshirish, respublika mineral-xom ashyo bazasini rivojlantirish borasida istiqbolli loyihalar amalga oshirilib kelinmoqda. Xususan, “Hisor” dala geologiya qidiruv ekspeditsiyasi O‘zbekiston tog‘-kon hamda Qashqadaryo va Surxondaryo viloyatlari hududlarini o‘z ichiga olgan hududlarda qattiq noruda foydali qazilmalarini va qora metallarga kompleks geologiya qidiruv ishlarini olib borilyapti.Maʼlumotlarga ko‘ra, “Yaxton” konining chuqur gorizontlarida 2019 yil geologik qazish ishlari boshlangan. Hozirda 10 dan ziyod maxsus texnika yordamida 40 dan ortiq malakali mutaxassislar belgilangan rejaga muvofiq yer osti tog‘ lahm o‘tish ishlarini olib bormoqda. Hozirgi kunda “Yaxton” konining chuqur gorizontlarida magmatik tog‘ jinslari bilan bog‘liq minerallashgan zonalarda oltin va volfram qidiruv ishlari olib borilmoqda. Olib borilgan geologik qidiruv ishlari natijasida 1 tonna tuproqdan 1 grammdan 4,22 grammgacha oltin, qalinligi 11 metrgacha bo‘lgan 20 dan ortiq oltin maʼdan tanalari aniqlangan.

O‘zbekiston hududagi tog‘-konlarda amalga oshirilgan geologik qidiruv natijasida 1 tonna tuproqda 1 grammdan 4,22 grammgacha oltin borligi aniqlandi, deb xabar beradi O‘zA. Qayd etilishicha, «O‘zbek geologiya qidiruv» AJ tomonidan hududlarda geologiya-qidiruv ishlarini jadal amalga oshirish, respublika mineral-xom ashyo bazasini rivojlantirish borasida istiqbolli loyihalar amalga oshirilib kelinmoqda. Xususan, “Hisor” dala geologiya qidiruv ekspeditsiyasi O‘zbekiston tog‘-kon hamda Qashqadaryo va Surxondaryo viloyatlari hududlarini o‘z ichiga olgan hududlarda qattiq noruda foydali qazilmalarini va qora metallarga kompleks geologiya qidiruv ishlarini olib borilyapti. Maʼlumotlarga ko‘ra, “Yaxton” konining chuqur gorizontlarida 2019 yil geologik qazish ishlari boshlangan. Hozirda 10 dan ziyod maxsus texnika yordamida 40 dan ortiq malakali mutaxassislar belgilangan rejaga muvofiq yer osti tog‘ lahm o‘tish ishlarini olib bormoqda. Hozirgi kunda “Yaxton” konining chuqur gorizontlarida magmatik tog‘ jinslari bilan bog‘liq minerallashgan zonalarda oltin va volfram qidiruv ishlari olib borilmoqda. Olib borilgan geologik qidiruv ishlari natijasida 1 tonna tuproqdan 1 grammdan 4,22 grammgacha oltin, qalinligi 11 metrgacha bo‘lgan 20 dan ortiq oltin maʼdan tanalari aniqlangan.Manbaa: https://bugun.uz/2022/11/26/ozbekiston-toglaridagi-1-tn-tuproqda-qancha-oltin-borligi-malum-qilindi/

So‘nggi yillarda mamlakatimiz geologiya sohasining ham ilmiy, ham texnologik jihatdan mustahkamlanishi natijasida geologiya-qidiruv ishlari ko‘lami kengaydi. Yangi konlar ochildi. “O‘zbek geologiya qidiruv” aksiyadorlik jamiyati geologiya sohasi tizimida va respublika mineral-xom ashyo bazasini rivojlantirish hamda qayta tiklash davlat dasturlari doirasida geologiya-qidiruv ishlariga xizmat ko‘rsatadi.   Bugungi kunda “O‘zbek geologiya qidiruv” aksiyadorlik jamiyati tarkibida 10 ta ekspeditsiya, bitta markaziy laboratoriya va markaziy ishlab chiqarish bazasi mavjud. Jamiyat tomonidan hududlarda geologiya-qidiruv ishlarini jadal amalga oshirish, respublika mineral-xom ashyo bazasini rivojlantirish borasida istiqbolli loyihalar amalga oshirilib kelinmoqda.  Xususan, “Hisor” dala geologiya qidiruv ekspeditsiyasi O‘zbekiston tog‘-kon va Qashqadaryo va Surxondaryo viloyatlari hududlarini o‘z ichiga olgan hududlarda qattiq noruda foydali qazilmalarini va qora metallarga kompleks geologiya qidiruv ishlarini olib borilmoqda.  Qolaversa, chuqurlik bo‘yicha yirik va o‘rta miqyosda xaritalash, maydonlarni geologik mufassal o‘rganish, regional ko‘lamli bashoratli izlanishlar va geologik tasvirlash, maxsus ildamlovchi qidiruv ishlarini olib borish, belgilangan geologik topshiriqlarni bajarilishini taʼminlash kabi bir qator muhim vazifalarni amalga oshirishga yo‘naltirilgan.  Ekspeditsiya faoliyati bilan yaqindan tanishish maqsadida “Hisor” dala geologiya qidiruv ekspeditsiyasi bosh geologi Mahmadiyor Shodiqulov boshchiligida “Yaxton” uchastkasi faoliyati o‘rganildi.  – Ekspeditsiya ko‘p yillik faoliyati davomida bir necha o‘nlab har xil turdagi maʼdanli va nomaʼdan foydali qazilma konlarini topib, respublikamiz xom ashyo bazasini rivojlantirishda o‘zining ulkan hissasini qo‘shib kelmoqda, – deydi Mahmadiyor Shodiqulov. – “Yaxton” konining chuqur gorizontlarida 2019 yil geologik qazish ishlari boshlangan. Hozirda 10 dan ziyod maxsus texnikalar yordamida 40 dan ortiq malakali mutaxassislar belgilangan rejaga muvofiq yer osti tog‘ lahm o‘tish ishlarini olib borishmoqda.   Hozirgi kunda “Yaxton” konining chuqur gorizontlarida magmatik tog‘ jinslari bilan bog‘liq minerallashgan zonalarda oltin va volfram qidiruv ishlari olib borilmoqda. Olib borilgan geologik qidiruv ishlari natijasida 1 tonna tuproqdan 1 grammdan 4,22 grammgacha oltin, qalinligi 11 metrgacha bo‘lgan 20 dan ortiq oltin maʼdan tanalari aniqlandi. Hozirgi kunda ularning davomiyligi o‘rganilmoqda.   Shuni alohida taʼkidlash kerakki, ekspeditsiya foydali qazilma konlarini izlash va qidirib chamalash uslubiyotini hamda geologiya qidiruv ishlarini olib borish texnikasi va texnologiyasini takomillashtirishga doir takliflarni tayyorlash, belgilangan tartibda burg‘ilash, konchilik, laboratoriyaga oid, topografik, geodezik, marksheyderlik, xaritalash hamda foydali qazilmalarni qazib olish kabi ishlar bilan shug‘ullanadi.   Ayni vaqtda “O‘zbek geologiya qidiruv” aksiyadorlik jamiyati tarkibidagi barcha ekspeditsiyalar tomonidan qimmatbaho, rangli, nodir va radioaktiv metallar va boshqa turdagi rudali foydali mahsulotlarni va konlarni topish maqsadida geologik qidiruv ishlari keng ko‘lamda olib borilmoqda.  Sh.Mamaturopova, O‘zA