Yangiliklar

Joriy yilning 2-dekabr kuni Samarqand markaziy geologiya qidiruv ekspeditsiyasida "9-dekabr – Umumjahon korrupsiyaga qarshi kurashish kuni" munosabati bilan profilaktik tadbir oʻtkazildi. Tadbirda Samarqand viloyati Adliya boshqarmasi huquqiy axborot boʻlimi boshligʻi Akmal Kuylanov ishtirok etdi. Tadbir davomida ishchi-xodimlariga korrupsiyaga qarshi kurashish boʻyicha milliy qonunchilikning shakllanishi, korrupsiyaga olib keluvchi omillar, korrupsiyaviy huquqbuzarliklar va jinoyatlar uchun belgilangan jazo turlari, jumladan, ozodlikdan mahrum qilish jazosi, shuningdek, qonun ustuvorligi va jazoning muqarrarligi tamoyillari atroflicha tushuntirildi.

Samarqand markaziy geologiya qidiruv ekspeditsiyasi tarkibidagi Zarmitan dala ekspeditsiyasi tomonidan Zarmitan maʼdanli maydonidagi Charmitan konining Janubiy - Sharqiy qanotida 15-26-sonli maʼdan tuzilmalarini chuqur sathlarida dastlabki va batafsil baholash ishlari olib borilmoqda. Loyiha doirasida 2025-yilgi rejalashtirilgan 5000 p.m. yer osti kolonkali burgʻilash ishlari muddatidan oldin bajarildi.  Bundan tashqari yer ustida chuqur quduqlarda olib borilayotgan kolonkali burgʻilash ishlarini ham mufaqiyyatli va oʻz vaqtida tugatish maqsadida markaziy ekspeditsiyaning eng ilgʻor brigadalari jalb etilib, zamonaviy usullar asosida burgʻilash ishlari olib borilmoqda.

Hisor markaziy geologiya qidiruv ekspeditsiyasida ekspeditsiya boshligʻi Eshquvat Rayimqulov tashkilotda faoliyat olib borayotgan yoshlar bilan navbatdagi "Rahbar va yoshlar" ochiq muloqotini oʻtkazdi. Uchrashuvda yoshlarning muammolari va takliflari tinglandi. Koʻtarilgan masalalarni yechish boʻyicha chora-tadbirlar belgilandi.

Qizilqum markaziy geologiya qidiruv ekspeditsiyasi tarkibidagi Murunatu dala ekspeditsiyasiga qarashli 71-sonli burg‘ilash brigadasi tomonidan Makina DBC S-21 markali burg‘ilash uskunasi bilan Surxondaryo viloyati Sariosiya tumanidagi Shadjaxarkan uchastkasida loyhaviy chuqurligi 1 500 metr bo‘lgan burg‘ilash qudug‘ini 1 575 metr qilib burg‘ilash ishlarini samarali yakunladi.

Toshkent markaziy geologiya qidiruv ekspeditsiyasida uzoq yillar davomida binolarga xizmat ko‘rsatish va ta’mirlash yo‘nalishida samarali faoliyat yuritib kelgan Nurbekova Nodira Yo‘ldoshevnani nafaqaga kuzatish tadbiri bo‘lib o‘tdi.Nodira Nurbekova uzoq yillar davomida fidoyilik, halollik va yuksak mas’uliyat bilan mehnat qilib, ayol bo‘lishiga qaramay, og‘ir ishlarni ham matonat bilan bajarib kelganligi alohida e’tiborga loyiqdir. Mehnat faoliyati davomida namoyon etgan sadoqati, intizomi va ishga bo‘lgan mas’uliyati bilan jamoaga munosib o‘rnak bo‘lib qoladi.  Jamoa tomonidan uning uzoq yillik mehnati munosib qadrlanib, samimiy tilaklar bilan nafaqaga kuzatildi.

Oʻzbekiston Respublikasi Prezidenti Administratsiyasi va Togʻ-kon sanoati va geologiya vazirligi topshiriqlariga muvofiq, "Oʻzbek geologiya qidiruv" AJ tarkibidagi Samarqand markaziy geologiya qidiruv ekspeditsiyasida sayyor va ommaviy qabullar tashkil etildi. Qabullarda markaziy geologiya qidiruv ekspeditsiya rahbariyati va kasaba uyushmasi vakillari tomonidan ishchi-xodimlarning murojaatlari tinglandi. Murojaatchilarga tushuntirishlar berilib, koʻtarilgan masalalar va takliflar yuzasidan joyida tegishli qarorlar qabul qilindi.

Qizilqum markaziy geologiya qidiruv ekspeditsiyasida "Yashil makon" umummilliy loyihasining kuzgi mavsumdagi ishlari jadal surʼatlarda olib borilmoqda. Joriy yilning 21-22-noyabr kunlari ekspeditsiyaga ajratilgan maydonlarga hudud iqlim sharoitiga mos daraxt koʻchatlari ekildi. Bu tadbirlar yashil hududlarni kengaytirish va choʻllanishga qarshi kurashishga qaratilgan.

"Oʻzbek geologiya qidiruv" aksiyadorlik jamiyati  kasaba uyushmasi qoʻmitasi ijtimoiy himoyaga muhtoj xodimlarni va ularning oila aʼzolarini muntazam qoʻllab-quvvatlab kelmoqda. Yilning har choragida sogʻligini yoʻqotgan, kam taʼminlangan, bemor hamda keksalarga moddiy yordam va oziq-ovqat toʻplamlari yetkazib beriladi. Joriy yil noyabr oyida Samarqand markaziy geologiya qidiruv ekspeditsiyasi tarkibidagi dala ekspeditsiyalarda faoliyat yurituvchi ijtimoiy himoyaga muhtoj oilalarning holidan xabar olinib, ularga koʻmak koʻrsatildi.

Joriy yilning 27-noyabr kuni "Oʻzbek geologiya qidiruv" aksiyadorlik jamiyatining rasmiy Telegram sahifasi orqali fuqarolar bilan navbatdagi onlayn muloqot tashkil etildi. Ushbu muloqotda jamiyat mutaxassislari tomonidan fuqarolarni qiziqtirgan barcha savollarga atroflicha va batafsil javoblar berildi.  Tashkil etilgan bu kabi onlayn muloqotlar jamiyat faoliyatida shaffoflikni taʼminlash, fuqarolar va xodimlar bilan oʻzaro aloqani mustahkamlash hamda ochiq muloqot muhitini yaratishga xizmat qiladi.