Новости

Aksiyadorlik jamiyati Korrupsiyaga qarshi ichki nazorat xizmati xodimlari yillik dastur doirasida “CERT academy” xalqaro auditorlik kompaniyasi tomonidan “ISO 37001:2025 bo‘yicha Korrupsiyaga qarshi menejment tizimini boshqarish” xalqaro standarti asosida o‘qitilmoqda. O‘quv jarayonida xodimlarga amaliyotda qo‘llash mumkin bo‘lgan zamonaviy bilim va ko‘nikmalar berilmoqda. Shuningdek, xalqaro standart doirasiga kiritilgan yangi talablar va ularning amaliy ahamiyati keng yoritilmoqda. Mazkur o‘quvlar tizimda korrupsiyaga qarshi kurashish mexanizmlarini yanada takomillashtirish, shaffoflik va samaradorlikni oshirishga xizmat qiladi.

Hisor Markaziy geologiya qidiruv ekspeditsiyasining Qashqadaryo dala ekspeditsiyasida 161-sonli burg‘ilash brigadasi tomonidan Shimoliy Akba uchastkasida oltinga geologik qidiruv ishlari olib borilmoqda. Loyiha doirasida jami 3 890 p.m. burg‘ilash hamda 2 760 m³ yer usti tog‘-kon ishlarini amalga oshirish rejalashtirilgan. Ayni paytda belgilangan yillik reja ijrosini o‘z vaqtida yakunlash maqsadida barcha zarur texnika va imkoniyatlar safarbar etilgan holda ishlar izchil davom ettirilmoqda.

“O‘zbek geologiya qidiruv” AJ Kuzatuv kengashining mustaqil a‘zosi Jon Nasirov joriy yilning 12-13-may kunlari Samarqand va Hisor markaziy geologiya qidiruv ekspeditsiyalarida olib borilayotgan geologiya qidiruv ishlari bilan tanishdi. Xususan, Qashqadaryo viloyatida joylashgan Shimoliy Akba uchastkasida olib borilayotgan burg‘ilash ishlari hamda kelgusidagi rejalar haqida ma’lumot berildi. O'rganishlar davomida  Jon Nasirov geologiya qidiruv ishlari bo'yicha o'zining kerakli tavsiyalarini berdi.

18-may — Xalqaro muzeylar kuni munosabati bilan Geologiya muzeyi davlat muassasasida “Ochiq eshiklar kuni” tadbiri tashkil etildi. Tadbir doirasida O‘zbek geologiya qidiruv AJ xodimlari muzeyga tashrif buyurib, yurtimizning geologik boyliklari, noyob mineral namunalari hamda soha tarixiga oid eksponatlar bilan yaqindan tanishdilar. Muzey bo‘ylab tashkil etilgan ekskursiya davomida ishtirokchilarga geologiya sohasining rivojlanish bosqichlari, olib borilgan ilmiy tadqiqotlar va mamlakatimiz mineral-xomashyo salohiyati haqida batafsil ma’lumotlar berildi. Bunday ma’rifiy tadbirlar soha xodimlarining kasbiy bilim va dunyoqarashini kengaytirish, geologiya sohasining tarixiga bo‘lgan qiziqishni yanada oshirishga xizmat qiladi.

2026-yil 16-17-may kunlari “O‘zbek geologiya qidiruv” AJ boshlang‘ich kasaba uyushmasi tashabbusi bilan Regional markaziy geologiya tasvirlash ekspeditsiyasi xodimlari uchun ko‘hna va navqiron Samarqand shahriga sayohat tashkil etildi. Sayohat davomida ishtirokchilar yurtimizning boy tarixiy va madaniy merosini o‘zida mujassam etgan tarixiy obidalar, muqaddas qadamjolar hamda Imom Al-Buxoriy majmuasi va muzeylariga tashrif buyurishdi. Ushbu madaniy-ma’rifiy sayohat xodimlarning dunyoqarashini kengaytirish, milliy qadriyatlarimizga bo‘lgan hurmatni yanada oshirish hamda ular uchun unutilmas taassurotlar ulashishga xizmat qildi.

Uchrashuv davomida yoshlarga startaplar va innovatsion g‘oyalarni amalga oshirish uchun yaratilgan imkoniyatlar haqida ma’lumot berilib, ularning tashabbuslari qo‘llab-quvvatlandi. Ekspeditsiya rahbari Abror Uchkunovich o‘zining giroskopik inklinometr yaratish bo‘yicha loyihasi va tayyorlangan prototipini yosh mutaxassislarga namoyish etdi. Shuningdek, yoshlarga “Kelajak muhandislari” respublika tanlovi haqida ma’lumot berilib, ularga tanlovda faol ishtirok etish tavsiya qilindi.

“O‘zbek geologiya qidiruv” AJ tomonidan tashkil etilgan “UZGEO TABLE TENNIS CLUB” tashabbusi bilan Togʻ-kon sanoati va geologiya vazirligi tizimidagi tashkilotlarning xodimlari ishtirokida stol tennisi boʻyicha sport musobaqasi oʻtkazildi. Bellashuvda vazirlik tizimidagi 9 ta tashkilotdan jami 41 nafar havaskor sportchi-xodimlar ishtirok etib, oʻzaro qizgʻin va murosasiz bahslarda mahoratlarini namoyon etishdi. Musobaqa davomida ishtirokchilarning epchilligi, tezkorligi va sportga boʻlgan qiziqishi tomoshabinlarda katta taassurot qoldirdi. Shuningdek, musobaqa nafaqat sport bellashuvi, balki turli tashkilot vakillarini birlashtirgan samimiy muloqot maydoniga aylandi. Mazkur musobaqa sogʻlom turmush tarzini targʻib qilish, jamoalarda sport madaniyatini yanada rivojlantirish hamda xodimlar oʻrtasida doʻstona va hamjihatlik muhitini mustahkamlash maqsadida tashkil etildi. “UZGEO TABLE TENNIS CLUB” tomonidan bu kabi sport tadbirlarini muntazam tashkil etish orqali tizim xodimlarini ommaviy sportga keng jalb qilish, ularning bo‘sh vaqtini mazmunli tashkil etish hamda sog‘lom hayot tarzini qo‘llab-quvvatlashdan iborat.

Sizlarni O‘zbekiston Respublikasi konchilik va metallurgiya sanoati xodimlari kuni bilan samimiy muborakbod etamiz! Mamlakatimiz iqtisodiy taraqqiyoti, sanoat salohiyati va xalq farovonligini yuksaltirish yo‘lida olib borayotgan mashaqqatli va sharafli mehnatingiz tahsinga loyiq. Sizlarning fidokorona faoliyatingiz, yurt ravnaqi va sanoat rivojiga qo‘shayotgan munosib hissangiz yuksak e’tirofga sazovordir. Bugungi kunda konchilik va metallurgiya sohasi yurtimiz taraqqiyotining muhim tayanchiga aylanib, yangi loyihalar, zamonaviy texnologiyalar hamda ulkan bunyodkorlik ishlariga mustahkam zamin yaratmoqda. Bu yutuqlarda har bir soha xodimining zahmatli mehnati mujassam. Sizlarga mustahkam sog‘lik, oilaviy baxt-saodat, mas’uliyatli faoliyatingizda ulkan muvaffaqiyatlar va yangi zafarlar tilaymiz. Bayramingiz muborak bo‘lsin!

Markaziy geologiya geofizika ekspeditsiyasida ishchi-xodimlar o‘rtasida sog‘lom turmush tarzini targ‘ib qilish, ularning salomatligini mustahkamlash hamda mehnat samaradorligini oshirish maqsadida “Salomatlik kuni” tadbirlari o‘tkazildi. Tadbir doirasida shashka va stol tennis bo‘yicha sport musobaqalari tashkil etilib, xodimlarning jismoniy faolligini oshirish va sog‘lom hayot tarzini shakllantirishga alohida e’tibor qaratildi. Shuningdek, ushbu tashabbus doirasida ekspeditsiya binosida sport zali tashkil qilinib, ishchi-xodimlar uchun sport bilan muntazam shug‘ullanish imkoniyati yaratildi. Tadbir davomida sog‘lom turmush tarzi va jismoniy faollik har bir xodimning ish unumdorligi hamda salomatligini mustahkamlashda muhim omil ekani ta’kidlandi.