Announcement

“O‘zbek geologiya qidiruv” AJ Iqtisodiyot va moliyaviy nazorat bo‘limiga mutaxassis (ekspert) talab etiladi “O‘zbek geologiya qidiruv” AJ Iqtisodiyot va moliyaviy nazorat bo‘limiga fuqarolik-huquqiy tusdagi shartnoma asosida mutaxassis (ekspert) lavozimiga nomzodlarni taklif etadi. Asosiy vazifalar: Iqtisodiy va moliyaviy hujjatlar bilan ishlash; Hisobotlar, tahliliy ma'lumotlar va boshqa xizmat hujjatlarini tayyorlash; Bo‘lim faoliyatiga oid ma'lumotlarni umumlashtirish va tahlil qilish; Elektron hujjatlar bilan ishlash hamda ularni tizimli yuritish; Bo‘lim rahbari tomonidan yuklatilgan boshqa xizmat vazifalarini bajarish. Nomzodga qo‘yiladigan talablar: Oliy ma'lumot (iqtisodiyot, moliya yoki turdosh yo‘nalishlar bo‘yicha ustunlik beriladi); Microsoft Word va Microsoft Excel dasturlarini yaxshi bilish; Kompyuter savodxonligi va ofis dasturlarida erkin ishlash ko‘nikmasi; Tahliliy fikrlash, mas'uliyat va ijro intizomiga ega bo‘lish; Jamoada ishlash va hujjatlar bilan ishlash ko‘nikmalariga ega bo‘lish. Ish shakli: Fuqarolik-huquqiy tusdagi shartnoma asosida.   Bog‘lanish uchun telefon: +998 99 38617 27

“O‘zbek geologiya qidiruv” AJ Yuridik bo‘limiga yurist talab etiladi “O‘zbek geologiya qidiruv” AJ Yuridik bo‘limiga fuqarolik-huquqiy tusdagi shartnoma  asosida yurist lavozimiga nomzodlarni taklif etadi. Asosiy vazifalar: Jamiyatda tuzilayotgan va tuzilgan shartnomalarni huquqiy ko‘rib chiqish, tayyorlash hamda ularning ijrosini huquqiy jihatdan ta'minlashda ishtirok etish; Debitorlik va kreditorlik qarzdorliklarini undirish hamda ularni huquqiy tartibga solish bilan bog‘liq ishlarni yuritish; Sudlarda Jamiyat manfaatlarini himoya qilish, sud hujjatlarini tayyorlash va sud jarayonlarida ishtirok etish; Jamiyatning mulkiy va boshqa qonuniy manfaatlarini huquqiy himoya qilish; Huquqiy hujjatlar, da'vo arizalari, e'tiroznomalar, xulosalar va boshqa yuridik hujjatlarni tayyorlash hamda rasmiylashtirish. Nomzodga qo‘yiladigan talablar: Oliy yuridik ma'lumot; Yurisprudensiya sohasida amaliy ish tajribasi (ustunlik beradi); Fuqarolik, xo‘jalik, mehnat va protsessual qonunchilikni yaxshi bilish; Hujjatlar bilan ishlash va tahliliy fikrlash ko‘nikmalariga ega bo‘lish; Mas'uliyatli, intizomli va muloqot madaniyatiga ega bo‘lish. Ish shakli: Fuqarolik-huquqiy tusdagi shartnoma asosida. Bog‘lanish uchun: +99 899 386 17 27

“O‘zbek geologiya qidiruv” AJ burg‘ilash texnologiyalarini takomillashtirish bo‘yicha ekspert-konsultant xizmatlarini ko‘rsatish uchun tanlov e’lon qiladiFuqarolik-huquqiy tusdagi shartnoma asosida geologiya-qidiruv quduqlarini burg‘ilash texnologiyalarini diagnostika qilish, xavflarni baholash, texnik tavsiyalar, reglamentlar va texnologik kartalarni ishlab chiqish hamda tanlangan obyektlarda tajriba-sinov tariqasida joriy etishni ekspert-konsultatsion kuzatib borish xizmatlari. Xizmatlarning asosiy yo‘nalishlari burg‘ilash xodimlarining malaka darajasini ekspert baholash; amaldagi dala ishlarini tashkil etish holatini tahlil qilish; amaldagi burg‘ilash texnologiyasini texnik ekspertizadan o‘tkazish; chuqur quduqlarni burg‘ilashda yuzaga kelishi mumkin bo‘lgan asoratlar va xavflar matritsasini ishlab chiqish; aniqlangan xavflarni hisobga olgan holda quduq konstruksiyasi bo‘yicha tavsiyalar tayyorlash; samarali burg‘ilash texnologiyasi, ish rejimlari va nazorat ko‘rsatkichlarini ishlab chiqish; burg‘ilash unumdorligini oshirish bo‘yicha reglament tayyorlash hamda tajriba-sinov joriy etilishini kuzatib borish; burg‘ilash asbob-uskunalari va instrumentlari resursini oshirish bo‘yicha reglament ishlab chiqish; qiya va yo‘naltirilgan burg‘ilash, ko‘p stvolli burg‘ilash, sun’iy zaboy o‘rnatish, og‘diruvchi klinlarni o‘rnatish va yo‘naltirish, vintli zaboy dvigateli (VZD/PDM), Casing Advancer tizimi hamda kernni orientatsiyalash texnologiyalarini joriy etish bo‘yicha texnologik kartalar va protokollar tayyorlash. Kutilayotgan natijalar diagnostika hisobotlari; xodimlar malakasi bo‘yicha baholash varaqalari va kompetensiyalar matritsasi; xavflar reyestri va texnik tavsiyalar; burg‘ilash reglamentlari va texnologik kartalari; tajriba-sinov joriy etish bo‘yicha protokollar; burg‘ilash samaradorligi bo‘yicha “reja/fakt” tahlili; yakuniy hisobot va keyingi bosqichlar bo‘yicha tavsiyalar. Nomzodlarga qo‘yiladigan minimal talablar geologiya-qidiruv, konchilik yoki burg‘ilash yo‘nalishida oliy ma’lumot yoxud ushbu sohada tenglashtirilgan amaliy tajriba; chuqur geologiya-qidiruv quduqlari, kolonkali, qiya va yo‘naltirilgan burg‘ilash bo‘yicha kamida 10 yillik amaliy tajriba; burg‘ilash asoratlari, quduq konstruksiyasi, burg‘ilash rejimlari, burg‘ilash suyuqliklari, burg‘ilash instrumentlari resursi va avariyalarning oldini olish bo‘yicha amaliy bilim; VZD/PDM, Casing Advancer, kernni orientatsiyalash, og‘diruvchi klinlar, sun’iy zaboy (paker-probka) texnologiyalari bilan ishlash tajribasi; reglamentlar, texnologik kartalar, texnik hisobotlar va joriy etish dasturlarini tayyorlash tajribasi; sanoat xavfsizligi, mehnatni muhofaza qilish va dala ishlarida xavfsizlik talablariga rioya qilish majburiyati; rus tilida texnik hujjatlar tayyorlash ko‘nikmasi. O‘zbek va/yoki ingliz tillarini bilish qo‘shimcha ustunlik hisoblanadi. Taqdim etiladigan hujjatlar rezyume (CV); malaka, ta’lim va tajribani tasdiqlovchi hujjatlar nusxalari; ilgari amalga oshirilgan o‘xshash loyihalar ro‘yxati yoki portfolio; xizmatlarni bajarish bo‘yicha qisqa texnik taklif; xizmatlar qiymati va bajarish muddatlari bo‘yicha tijorat taklifi; pasport nusxasi yoki shaxsni tasdiqlovchi hujjat; xorijiy nomzodlar uchun — O‘zbekiston Respublikasi hududida xizmat ko‘rsatish imkoniyatini baholash uchun zarur bo‘lgan qo‘shimcha ma’lumotlar va hujjatlar.Bog‘lanish uchun telefon: +998 93 724 85 85

Analitik laboratoriyalar majmuasi quyidagi vakant lavozim uchun tanlov e’lon qiladi: Metrologiya bo‘yicha yetakchi muhandis (10-razryad) Asosiy vazifalar: O‘lchash asboblari (tarozi, termometr, manometr, laboratoriya uskunalari va boshqalar)ning to‘g‘ri ishlashini nazorat qilish; O‘lchash vositalarini qiyoslash (poverka) va kalibrlash ishlarini tashkil etish; O‘lchash natijalarining aniqligi va ishonchliligini ta’minlash; Metrologik hujjatlarni yuritish va hisobini olib borish; Korxonada metrologik nazorat va ta’minot ishlarini tashkil qilish; O‘lchash usullarini ishlab chiqish va takomillashtirish; Davlat standartlari hamda metrologiya sohasidagi me’yoriy hujjatlarga rioya etilishini ta’minlash; Yangi o‘lchash vositalarining metrologik xususiyatlarini baholash; O‘lchash vositalarining qiyoslash muddatlarini nazorat qilish va o‘z vaqtida qiyoslashdan o‘tkazilishini ta’minlash. Nomzodga qo‘yiladigan talablar: Soha bo‘yicha kamida 3 yillik ish tajribasi; O‘z vazifalarini vijdonan va mas’uliyat bilan bajarish; Mehnat intizomi va ichki tartib-qoidalarga rioya qilish; Xavfsizlik texnikasi hamda mehnat muhofazasi talablarini bajarish; Jamoa bilan samarali ishlash ko‘nikmasiga ega bo‘lish; O‘z sohasiga oid bilim va malakaga ega bo‘lish; Ish joyidagi jihoz va mulklardan oqilona foydalanish; Rahbariyatning qonuniy topshiriqlarini o‘z vaqtida bajarish; Xushmuomala va odob-axloq qoidalariga rioya qilish; Kasbiy mahoratini muntazam oshirib borish. Shaxsiy sifatlar: Tizimli va tahliliy fikrlash; Mustaqil qaror qabul qilish; Mas’uliyat va natijaga yo‘naltirilganlik; Turli darajadagi rahbarlar bilan samarali ishlash; O‘zgarishlarga moslashuvchanlik. Ish tartibi: To‘liq ish kuni; Haftasiga 5 kun; Ish vaqti: 09:00–18:00. 📅 Hujjatlar 2026-yil 22-iyundan 26-iyungacha qabul qilinadi. 📞 Murojaat uchun telefon: +998 93 955-45-59  

“O‘zbek geologiya qidiruv” AJ quyidagi bo‘sh ish o‘rniga nomzodlarni taklif etadi: 📌 Lavozim: 1-toifali davlat xaridlari bo‘yicha mutaxassis 🔹 Asosiy vazifalar:• Davlat xaridlari bo‘yicha shartnoma va kontraktlarni rasmiylashtirish;• Yetkazib beruvchilarni izlash va tijorat takliflarini yig‘ish;• Elektron xarid platformalarida xarid jarayonlarini amalga oshirish;• Xaridlar bo‘yicha hujjatlar va hisobotlarni yuritish;• Buyurtmachilar va yetkazib beruvchilar bilan xizmat yozishmalarini olib borish;• Xaridlar bo‘yicha ma’lumotlarni tahlil qilish va umumlashtirish. 🔹 Talablar:• Oliy ma’lumot;• Davlat xaridlari sohasidagi bilim va ko‘nikmalar;• Word, Excel va Power Point dasturlarini yaxshi bilish;• Mas’uliyatlilik, tahliliy fikrlash va muloqot ko‘nikmalariga ega bo‘lish;• Ish tajribasi va qo‘shimcha sertifikatlar afzallik hisoblanadi. 🔹 Mehnat sharoitlari:• Rasmiy ishga qabul qilish;• KPI asosida munosib ish haqi;• Kasbiy rivojlanish va malaka oshirish imkoniyati;• Yil yakunlari bo‘yicha mukofotlash;• 5 kunlik ish haftasi (09:00–18:00). 📞 Bog‘lanish uchun: +998 55 503 14 63 📄 Rezyumelar qabul qilinmoqda!  

Regional markaziy tasvirlash ekspeditsiyasi kosmogeologik tadqiqotlar yo‘nalishi bo‘yicha fuqaroviy-huquqiy shartnoma asosida mutaxassisni hamkorlikka taklif etadi. Asosiy vazifalar: • Kosmogeologik tadqiqotlarni amalga oshirish;• Copernicus ma’lumotlari asosida raqamli modellar yaratish;• Kosmik tasvirlarni dastlabki qayta ishlash va tahlil qilish;• Masofaviy zondlash (DZZ) materiallari hamda ularni qayta ishlash usullarini asoslash;• Tog‘ jinslari va minerallarning kosmik tasvirlari hamda aks ettirish spektrlari asosida dastlabki xaritalar tuzish;• Istiqbolli hududlarning prognoz xaritalarini ishlab chiqish;• Qadimiy davr yotqiziqlarining monografik va ishchi tavsiflarini tayyorlash;• Prognoz resurslarining operativ o‘sishi bo‘yicha oraliq va yakuniy hisobotlarni tayyorlash;• Loyihalar uchun tayanch va ishchi legendalarni ishlab chiqish;• Yakuniy hisobotlarga taqriz va maslahat xulosalarini tayyorlash. Talablar: • Geologiya, geoinformatika, GIS, masofaviy zondlash yoki turdosh yo‘nalishlar bo‘yicha oliy ma’lumot;• Kosmik tasvirlar va GIS texnologiyalari bilan ishlash tajribasi;• Analitik va ilmiy-tadqiqot ko‘nikmalariga ega bo‘lish;• Belgilangan muddatlarda sifatli natijalarni taqdim etish. Ish shakli: Fuqaroviy-huquqiy shartnoma asosida. Nomzodlardan rezyume va malakasini tasdiqlovchi hujjatlarni belgilangan tartibda taqdim etish so‘raladi.Telefon:  (97) 710 75 86

DIQQAT! E’LON 2026-yil 14-may kuni Toshkent markaziy geologiya qidiruv ekspeditsiyasida jismoniy va yuridik shaxslar uchun navbatdagi sayyor qabul o‘tkaziladi. Barcha murojaatchilarni sayyor qabulda faol ishtirok etishga taklif etamiz.

E'lon! “O‘zbek geologiya qidiruv” AJ tarkibidagi ekspeditsiyalar va laboratoriyalardagi mavjud bo‘sh ish o‘rinlariga ochiq tanlov e'lon qiladi. ✅ Batafsil tanishish uchun saytga o‘ting https://www.uzgeo.uz/interactive-services/vacancies Eslatma! Bo‘sh ish o‘rinlari bo‘yicha arizalarni quyidagi my.mehnat.uz, (https://my.mehnat.uz/login) hh.uz (https://tashkent.hh.uz/) platformalariga yoki berilgan telefon nomerlar orqali yuborishingiz mumkin.

Tashkilot: “O‘zbek geologiya qidiruv” AJ.Ish joyi: Samarqand analitik laboratoriyalar majmuasi. Eritish pechlarini ta’mirlash va texnik xizmat ko‘rsatish bo‘yicha mutaxassis lavozimiga 4 nafar fuqarolar joriy yilning 31- dekabriga qadar fuqarolik-huquqiy tusdagi shartnoma asosida ishga taklif qilinadi. Asosiy xizmat vazifalari: Jamiyatga tegishli laboratoriya bo‘linmalarida 1100 °C gacha haroratda ishlovchi eritish pechlarini ta’mirlash va texnik xizmat ko‘rsatish; Nosoz boshqaruv bloklarini diagnostika qilish, ta’mirlash va soz holatga keltirish; Elektr va avtomatika elementlaridagi nosozliklarni aniqlash, tiklash yoki almashtirish; Kontaktor, rele, yoqish transformatori, harorat regulyatori hamda ulanish zanjirlarini sinovdan o‘tkazish; Pnevmatik eshik mexanizmlariga texnik xizmat ko‘rsatish va ta’mirlash; Xavfsizlik bloklari va himoya tizimlarining uzluksiz ishlashini ta’minlash; Elektr, pnevmatik va issiqlik izolyatsiyasi tizimlarini belgilangan me’yorlarga muvofiq holatga keltirish; Uskunalarning ishlab chiqaruvchi talablariga muvofiq ishlashini nazorat qilish; Zarur hollarda eskirgan yoki ishdan chiqqan qismlarni tozalash yoki almashtirish; Olovbardosh materiallar (g‘isht, kaowool, keramik qoplama va boshqalar)ni yangilash; Pechning ichki kamerasi, eshiklari va tutun yo‘llarini texnik jihatdan yaroqli holatda saqlash. Ariza topshirish tartibi: Hujjatlar qabul qilish muddati: 5 (besh) ish kuni. Bog‘lanish uchun telefon: +998 93 612 30 89.